3ºESO E 1º BACH TAREFA SEMANAL: SÉCULOS ESCUROS E O MARISCAL


TAREFA  SEMANAL  (PRAZO ATA O  30 DE ABRIL )
3º ESO e 1º BACHARELATO
  MIRADOR PICO DA FROUXEIRA EN FOZ LUGO - GALICIA Mirador da Frouxeira
Literatura Séculos Escuros e Ilustración.
Pasamos aos Séculos Escuros, etapa de historia da literatura que se estuda conxuntamente coa Ilustración.   
Como ben sabedes, así como na Idade Media vivimos unha etapa de esplendor  a nivel peninsular, a partir do século XV, faise efectiva unha decadencia que se traduce na case total falta de produción literaria, e  que se estenderá ata o século XVIII.
Son moi poucas as mostras textuais que atopamos dentro da literatura. Por unha banda, temos textos líricos populares anónimos e pola outra, outros de tipo académico (poesía renacentista, barroca, villancicos de autor e algunha obriña do xénero dramático).

A tarefa que propoño é que vos convirtades nunha personaxe desta época, Isabel Pérez Osorio, muller do Mariscal Pardo de Cela ou Teodomira, que é como figura nomeada no Pranto da Frouseira.
O que tedes que facer é unha narración en primeira persoa contando a tráxica historia do seu home. Ollo! Non perdades de vista a situación sociopolítica e tampouco como sería o día a día dunha muller naquela época.Tamén é importante que teñades en conta que se trataba dunha muller cun estatus social alto pois era a filla do primeiro conde de Lemos
- mínimo media cara dun folio, máximo unha cara.
- mellor a ordenador e nun formato que sexa editable. Quen non poida, á man e achegades a/s foto/s.
- enviar a  lgelitmestracon2020@gmail.com

Materiais que vos poden servir de axuda: 

A) Audiovisuais
-          Breve resumo séculos escuros en formato powtoon
-          Audiovisuais breves  sobre a historia do Mariscal Pardo de Cela
        Vídeo 1 
        Vídeo 2
* Non é preciso que vexades os dous, falan do mesmo.

B) Padget

C) Se alguén quere ampliar coñecementos, deixo tamén estes apuntamentos sobre os Séculos Escuros e a Ilustración. A primeira parte fai un achegamento á historia, sociedade e á situación sociolingüística en ambas etapas (páxinas 1-3). A segunda parte (páxinas 4-6) fala da literatura neste período.

D) Texto anónimo da época que fala da historia de Pardo de Cela


PRANTO DA FROUXEIRA
1     A min chaman Teodomira,
       señora do gran tesouro,
       por estrela esclarecida
       xago neste Valedouro

5     O vilán que me vendeu
       máis que un mouro foi traidor
       que de Lugo a Ribadeu
       todos me tiñan temor

       De min a triste Frouseira
10   que por treizón son vendida,
       derribada na ribeira
       ca xamais se veu vencida.

       Per treizón tamén vendido
       Jesús, nosso Redentor,
15   e por aquestes treidores,
       Pero Pardo, meu Señor.
               

       Vinte e dous foron chamados
       os que vendido o han
       non por fame de sustento
20   de carne viño nin pan.

       Eles quedan por tredores
       e seu amo por leal
       pois os Reis a súa filla
       súas terras mandan dar.

25   A Deus daran conta delo
       que lles queira perdoar
       co que acabou a Frouseira
       e a vida do Mariscal                              

Comentários

Enviar um comentário

Mensagens populares deste blogue

O TEXTO E AS SÚAS PROPIEDADES (ADECUACIÓN, COHESIÓN E COHERENCIA)

Presentación sobre o texto e as súas propiedades con exemplos  (Aulablog 4ºESO Gracia Santórum) Presentación sobre o texto e propiedades en prezi (só conceptos básicos)                                                PROPIEDADES TEXTUAIS    Un texto é un conxunto de enunciados con sentido que transmiten unha información nunha situación concreta (por exemplo, iso que estás lendo é un texto porque ten sentido, está formado por oracións,   informa sobre algo e se produce nunha situación: neste caso, a clase de galego). Para que un texto sexa correcto, ademais de respectar as normas ortográficas e gramaticais (xénero, número, corrección verbal, etc.) ten que cumprir as seguintes propiedades: adecuación, cohesión e coherencia Adecuación:  ...
Ler mais

MODELO DE COMENTARIO DE TEXTOS LITERARIOS

Imagem
Recomendacións previas, lectura e compresión do texto É de vital importancia entender o que estás lendo. Se é preciso, terás que lelo dúas ou tres veces. Recoméndoche buscar no dicionario o que non entendas porque pode haber palabras con significados connotativos. Cando saibas cal é   a idea xeral e sexas quen de indicar de que trata o texto, xa podes comezar o comentario. Introdución. Localización do texto e breve descrición Trátase de localizar o fragmento ou o texto en función dos seguintes parámetros: ·         Descubrir o autor . Ás veces sabemos o nome do autor e da obra porque aparecen ao final do texto. Se non é así tes que identificalos mediante os trazos característicos da linguaxe, a temática , as personaxes… Cando temos identificado o autor, faise unha breve mención dos datos biográficos ou da obra que sexan relevantes para comentar o texto. ·         O contexto histórico - cultural...
Ler mais

A sílaba. Os ditongos, tritongos e hiatos. Repaso de acentuación

Imagem
A  toniciade e a acentuación das palabras O acento é a forza coa que destacamos algunha das partes que compoñen as palabras cando falamos.Para marcar na escrita o lugar onde poñemos o acento usamos o acento gráfico. Sílabas tónicas e átonas Como xa sabes, cando falamos pronunciamos varios fonemas unidos en sílabas que, á súa vez, son as que forman as palabras. Hai palabras que están constituídas por unha única sílaba, que son as palabras monosílabas , e outras que están formadas por varias, palabras polisílabas . Cando dicimos as palabras non pronunciamos  todas as sílabas que as compoñen coa mesma forza. En cada unha sempre hai unha sílaba que se pronuncia con máis intensidade ca as demais: é a sílaba tónica ; as outras reciben o nome de sílabas átonas . Compróbao nas seguintes palabras:   mel me -do cou -sa par- tiu a- re -a can- ción pa- rau -gas é -xi-to As ...
Ler mais